FréttirSkrá á póstlista

22.10.2020

Ný samfélagsstefna sjávarútvegsins

Fyrirtæki innan vébanda Samtaka fyrirtækja í sjávarútvegi SFS birtu í dag stefnu í samfélagsábyrgð, sem grundvallast á heimsmarkmiðum Sameinuðu þjóðanna um sjálfbæra þróun. Undanfarna mánuði hefur SFS staðið fyrir opnum fundum og vinnustofum þar sem aðilum úr sjávarútveginum og samfélaginu var boðið að ræða samfélagsábyrgð sjávarútvegsins og er samfélagstefnan afrakstur þeirrar vinnu. Ægir Páll Friðbertsson framkvæmdastjóri undirritaði stefnuna fyrir hönd Brims. 

Ægir Páll, sem einnig er varaformaður SFS bendir á að Brim hafi undanfarin ár unnið markvisst að umhverfis-og samfélagsmálum með margvíslegum hætti. Árlega er gefin út samfélagsskýrsla, þar sem sagt er frá verkefnum í umhverfis-og samfélagsmálum, sem eru í vinnslu og stöðu og þróun þeirra mála hjá félaginu. 

"Það er afar mikilvægt að félög í sjávarútvegi hafi sameinast um stefnu í samfélagsábyrgð og fellur það vel að stefnu Brims í þeim málum", segir Ægir Páll 

 


Nýjustu fréttir

Allar fréttir