FréttirSkrá á póstlista

22.10.2019

Brim og Marel undirrita samning um snjallvinnslu í sjávarútvegi

Brim hf. hefur undirritað samning við Marel um kaup og uppsetningu á hátækni vinnslubúnaði og hugbúnaði fyrir bolfiskvinnslu á Norðurgarði í Reykjavík. Í frétt frá Marel segir að um fullkomnustu vinnslustöð fyrir bolfisk á heimsvísu sé að ræða. Þar er einnig haft efir Sigurði Ólasyni, framkvæmdastjóri Marel Fish að þetta sé „...sögulegur samningur sem mun gera snjallvinnslu í sjávarútvegi að veruleika”.

Áætlað er að nýja vinnslukerfið verði sett upp um mitt ár 2020. Kerfið felur í sér sér ýmsar nýjungar, þar á meðal öflugt gæðaeftirlitskerfi og nýjustu róbótatækni sem mun sjálfvirknivæða og straumlínulaga vinnsluna til muna. Meðal þess sem Brim hefur fest kaup á er háþróað pökkunarkerfi með tíu róbótahausum sem mun straumlínulaga allt pökkunarferlið. Jafnframt felur vinnslukerfið í sér þrjár FleXicut vatnsskurðarvélar ásamt tilheyrandi forsnyrtilínum og sjálfvirkri afurða dreifingu, auk þess sem Brim verður fyrst til að innleiða nýtt SensorX beinaleitarkerfi fyrir ferskar afurðir. Hugbúnaður verður í lykil hlutverki í nýja vinnslukerfinu, þar sem hann tengir tækin í hverju vinnsluþrepi hvert við annað og tryggir jafnframt rekjanleika gegnum allt vinnsluferlið.
Hátækni samtenging búnaðarins gerir hann snjallann sem auðveldar Brim að mæta óskum og pöntunum viðskiptavina fljótt og nákvæmlega og um leið fullnýta verðmætt hráefni.

Ægir Páll Friðbertsson, framkvæmdastjóri Brims
„Við í Brim erum spennt og hlökkum til að taka þátt í að búa til hátækni – bolfiskvinnslu. Starfsfólk Brim býr yfir mikilli þekkingu og reynslu á vinnslu og meðferð sjávarfangs sem mun nýtast í þetta verkefni. Brim var útnefnt Umhverfisfyrirtæki ársins 2019 enda leggjum við í öllu okkar starfi áherslu á umhverfismál, sjálfbærni og tækniframfarir og við teljum samstarf okkar við Marel í þeim anda. Brim ætlar sér að vera samkeppnisfært á alþjóðamörkuðum fyrir sjávarafurðir. Til þess þarf gott starfsfólk til sjós og lands, öflug skip og fyrsta flokks tækni og vinnslubúnað. Við lítum framtíðina björtum augum.“

Ægir Páll Friðbertsson, framkvæmdastjóri Brims, Gísli Kristjánsson framleiðslustjóri Brims, Óskar Óskarsson, sölustjóri Fisks Marel og Sigurður Ólason, framkvæmdastjóri Marel Fisk.

Ægir Páll Friðbertsson, framkvæmdastjóri Brims, Gísli Kristjánsson framleiðslustjóri Brims, Óskar Óskarsson, sölustjóri Marel Fisk og Sigurður Ólason, framkvæmdastjóri Marel Fisk.

Nýjustu fréttir

Allar fréttir